ఆడదాన్ని అంటూ ఆటబొమ్మనే చేసారు
అబలనే అంటూ అమ్మనే మరిచారు
పాలు నిండిన వక్షస్తలంనే మీ వక్రద్రుష్టితో నింపారు
ఇంకో జీవికి ఆయువు పోసే స్త్రీ జాతి శ్వాస అపుతున్నారే రాక్షసులు
నీకు ప్రాణం పోసింది ఓ ఆడదే అని ఎందుకో మరిచారు
మా ఖర్మ ఫలమో మీ దృష్టి లోపమో తెలియకుందే ఈ జగతికి
స్త్రీ పొందు కోరే ఆ స్థలమే ----! నీ జన్మ స్థలం అని మరిచావు
ఒల్లుమరచిన మైకంలో వావివరసలు వదిలావు
చెల్లికీ - చెలికీ భేదాన్నే నువ్వు మార్చావు
నీ ఆక్రుత్యాలకి గుండె భారమెక్కుతుందే ఆడజాతికి
కనుమరుగవుతున్న స్త్రీ జాతిని చూస్తే భయంవేస్తోందే
నీకు ప్రాణం పోసే అమ్మని నేనేగా
నీ విజ్ఞానం పెంచే చదువులమ్మని నేనేగా
కష్ట-సుఖాలకు నీకు తోడునిలిచే బార్యని నేనేగా
నీతో దోబూచి ఆటలు ఆడే కూతురు నేనేగా
నీ శ్వాస నిన్ను వదిలినా నా ఒడిలో నిన్ను దాచుకొనే భూమాతను నేనేగా
నీ జీవితాన అల్లుకొనే బందాల కలయిక స్త్రీమూర్తినిరా
ఆరాధ్య దైవంగా కొలిచే దేవతనిరా
నీ శృంగార వాంచ్చకి బంధాలు మరువకురా
ఆడదాన్నిరా నేనో ఆడసక్తి అంసనురా......!
No comments:
Post a Comment